Eins og í fjør verður tað eisini hesaferð á bilafestivalinum skipað fyri pallborðskjaki.
Her verður kjakast í tveimum umførum, ávikavist leygardagin klokkan 16 og klokkan 17.15.
- Tað er okkum ein gleði at kunngera, at pallborðið í kjakinum um, hvørt el-bilar eru eydnan ella ikki nú er mannað.
Tað siga fyrireikararnir av bilafestivalinum.
Teir, sum fara at luttaka í pallborðskjakinum um olju ella el, verða Óli Breckmann, fyrrverandi løgtings- og fólkatingsmaður, Justin Philbrow, formaður í Elbilafelagnum og Eyðstein Zachariasen, bilasølumaður.
Teir hava allir boðað frá luttøku, og tað verður varaborgarstjórin í Nes kommunu, Heini Kristiansen, sum fer at leiða kjakið í morgin klokkan 17.15.
