Leingi hava vit tosað um at fara djúpari inn í bíbliutekstir, og nú hava vit avgjørt at byrja við Markusar evangelium. Í fyrru helvt av vetrinum fara vit at lesa brot úr Markusar evangelium og hittast 3 kvøld í ymsu kirkjunum, har vit hoyra um, og tosa um tekstin, veit folkakirkjan at siga frá Vága prestagjaldi.
Til fyrsta kvøldið, sum verður í Sandavágs kirkju týskvøldið 07.09 kl. 19.30, skulu vit lesa Markus kap 1-6,29. Vit hava ein stuttan stegð og fáa ein drekkamunn saman.
Síðan lesa vit Markus kap 6,30 til kap 13,37 til hin 05.10 kl. 19.30 í Miðvágs kirkju.
Og vit enda við at lesa Markus 14,1 til 16,8 til hin 09.11 kl. 19.30 í Sørvágs kirkju.
Ætlanin er at halda fram í januar, nærri skrá kemur seinni. Tað eru prestarnir í oynni, sum standa fyri tiltakinum og taka sær av tí.
