Beinta Á Gregersen hevur seinasta árið røkt starvið sum leiðari í Húsinum. Hetta var í einum tíðaravmarkaðum starvi, sum varð lýst leyst í apríl.
Tríggjar umsóknir vóru til starvið sum leiðari í Húsinum.
Í næstun flytur virksemi fyri tey ungu úr Atlantis út í Dávavirkið.
– Vit flyta fyri at fáa betri umstøður. Millum annað eru betri møguleikar fyri tónleiki og øðrum virksemi í Dávavirkinum, sigur Beinta Á. Gregersen.
Júst nær flutt verður, er ikki greitt, men hon vónar at hava opið í Dávavirkinum á norðoyastevnu.
Virksemið fyri børnini heldur fram í Húsinum, sum er á loftium í Atlantis.
Børnini eru í Húsinum um dagin, meðan tey ungu eru um kvøldið.
Umframt leiðaran eru tvey fólk í føstum starvi. Harafturat eru nøkur tímalønt.
– Vanliga koma millum 30 og 50 børn og ung um dagin, sigur Beinta Á. Gregersen.
