Bayern Munchen vann í gjár Bundesliguna fyri 29. ferð síðani 1963. Tað er eina ferð fleiri enn øll hini liðini til samans. Bayern Munchen vann 1-0 á Werder Bremen og vann hartil eisini Bundesliguna fyri áttandi ferð upp í slag.
Stóri spælarin hetta kappingarárið hevur verið áleyparin Robert Lewandowski. Tað eru javnan spælarar, sum hava givið Lionel Messi og Cristiano Ronaldo kapping um einstaklingavirðislønirnar. Í Týsklandi og Póllandi meta tey, at Robert Lewandowski við sínum 46 málum í bara 40 dystum í øllum kappingum, eigur at verða í uppskoti til Ballon d'Or og ársins spælari hjá FIFA.
Tað var eisini Robert Lewandowski, sum skoraði málið í gjár, ið tryggjaði Bayern Munchen meistaraheitið. Komandi kappingarár skal Bayern Munchen millum annað spæla móti Arminia Bielefeld við Jóan Símuni Edmundsson á liðnum. Teir tryggjaðu sær í gjár uppflyting til bestu deildina.
| 1 | Bayern M. | 32 | 24 | 4 | 4 | 93:31 | 76 |
| 2 | Dortmund | 31 | 20 | 6 | 5 | 82:35 | 66 |
| 3 | RB Leipzig | 31 | 17 | 11 | 3 | 77:32 | 62 |
| 4 | Mönchengladb. | 32 | 18 | 5 | 9 | 61:38 | 59 |
| 5 | Leverkusen | 31 | 17 | 6 | 8 | 57:41 | 57 |
| 6 | Wolfsburg | 32 | 12 | 10 | 10 | 44:41 | 46 |
| 7 | Freiburg | 32 | 12 | 9 | 11 | 43:44 | 45 |
| 8 | Hoffenheim | 31 | 12 | 7 | 12 | 42:52 | 43 |
| 9 | Schalke | 31 | 9 | 12 | 10 | 36:48 | 39 |
| 10 | E.Frankfurt | 31 | 11 | 5 | 15 | 53:56 | 38 |
| 11 | Hertha Berlín | 32 | 10 | 8 | 14 | 45:57 | 38 |
| 12 | Union Berlin | 32 | 11 | 5 | 16 | 38:54 | 38 |
| 13 | Köln | 31 | 10 | 5 | 16 | 48:59 | 35 |
| 14 | Augsburg | 31 | 9 | 8 | 14 | 42:57 | 35 |
| 15 | Mainz | 31 | 9 | 4 | 18 | 39:63 | 31 |
| 16 | Düsseldorf | 31 | 6 | 10 | 15 | 33:61 | 28 |
| 17 | Werder Bremen | 32 | 7 | 7 | 18 | 35:65 | 28 |
| 18 | Paderborn | 32 | 4 | 8 | 20 | 34:68 | 20 |
