Amerikanski filmsleikarin Adam West andaðist í gjár, 88 ára gamal, vita eittnú BBC og Variety at siga.
Adam West andaðist í gjárkvøldið í Los Angeles, eftir stutta sjúkralegu.
Kendur gjørdist hann í filmsleiklutinum sum Batman. Hann gjørdist at enda nærum samnevndur við Batman, so kendur sum hann gjørdist í leiklutinum, sum hann leikti í sekstiárunum.
Hetta gjørdi eisini, at hann seinni hevði ilt við at fáa aðrar leiklutir, tí hann varð altíð samantvinnaður við leiklutin sum Batman.
West var føddur í býnum Walla Walla í 1928. Hann byrjaði sum útvarpsvertur í amerikanska herinum, men leitaði sær seinni yrkisleið innan film og sjónvarp. Fyrstu leiklutirnar leikti hann á Hawaii í fimmtiárunum.
Hann skrivaði bókina Back to the Batcave.
Fleiri kenna hann eisini, ella rødd hansara, frá leiklutinum sum bogarstjóri í røðini Family Guy.
