- Nú tað stundar til stytsta dag, og sólareygað er frammi bert stutta stund, birtist eitt ljós á Sandi.
Soleiðis verður sagt á Facebook-vanganum hjá Sands kommunu fyri løtu síðan.
Søgan er, at nýggi barnagarðurin, sum verður bygdur á Sandi, stendur reistur í dag, og flaggið er vundið í húnar hátt.
- At síggja Merkið veittra yvir snotiliga bygninginum - beint undan jólum - er ein gáva, sum vit í bygdarráðnum eru so sera errin av.
Í Sands kommunu verður víst á, at tað er byggivirkið Bulur á Signabø, sum byggir barnagarðin.
Hetta er sama felag, sum bygdi nýggja barnaskúlan á Sandi fyri árum síðan.
- Okkara royndir eru, at Bulur letur úr hondum vala verk.
Lagt verður aftrat, at um stutta tíð flyta ungu alvarnir í kommununi í nýggjan barnagarð, sum verður bygdur til umleið 100 børn.
- Børnini eiga at fáa hægstu raðfesting hjá einum bygdarráði. Tað verða tey, sum koma at bera samfelagið víðari á leið, ásanna tey í Sands kommunu.
##med2##
##med3##
