Í hesum døgum stendur MEST fyri uppseting av neyðstreymsanleggi til stóru smoltstøðina hjá Bakkafrost norðuri á Strond í Klaksvík. Talan er um 3 generatorsett við eini orku á íalt 5,4 MW frá stóra altjóða veitaranum FG Wilson.
Hendan skipanin er so máttmikil, at hon kann veita streym svarandi til 10 % av samlaðu elorkuni í Føroyum, um neyðugt. FG Wilson, sum eisini eru bergtiknir av føroysku náttúruni, siga seg vera sera ernar av at hava fingið hesa uppgávuna.
