B36'arar í Havn eru so fegnir um, at teir seinasta leygardag vunnu landskappingardystin ímóti KÍ í fremstu deild hjá monnum.
Teir hava brúkt dagarnar síðani leygardagin at leggja sær dystin í geyma við at lata máltalvuna lýsa – sum hon hevur lýst síðani leygardagin.
Eingin skal vera í iva um, at B36 hevur vunnið á kappingarneytunum úr Klaksvík.
Tað hevur gingið sera væl hjá KÍ seinastu árini, og trý tey seinastu føroyameistaraheitini hava teir vunnið. Tað gekst eisini avbera væl úti í Evropa.
KÍ er tað liðið sum hevur vunnið næstflest føroyameistaraheiti, 21 eru tey í tali.
HB hevur vunnið 24.
##med2##
B36 kemur á triðja plássið – tó rættiliga langt aftan fyri KÍ, tí B36 hevur 'bara' vunnið 11 føroyameistaraheiti.
Men teir vunnu so á KÍ leygardagin, og um onkur ikki trýr tí, so er at koyra niðan í Gundadal, tí har stendur tað púra greitt á máltalvuni á ovara vølli...
Spurningurin er so bara, um tað skal standa til annan páskadag 1. apríl, tá ÍF kemur til Havnar at spæla ímóti HB?
