Nú hava øll átta liðini í bestu deildini spælt fyrsta dystin. Sunnudagin vann Víkingur 16-0 í Suðuroy, og í kvøld vóru tríggir dystir.
KÍ vann 1-0 á heimavølli ímóti B36, HB vann 2-0 á heimavølli ímóti NSÍ, og EBS/Skála vann 2-1 í Sørvági.
Í Klaksvík var heimaliðið greitt omaná, men tað gekk striltið við málskjótingini, hóast møguleikarnir vóru stórir. Malena Olsen legði KÍ á odda, tá ið vanliga leiktíðin í fyrra hálveiki var farin.
Eftir steðgin var KÍ framvegis omaná, men tað var um reppið, at B36 í síðstu løtu javnaði. Innskifta Judith Eilersdóttir Rasmussen fangaði bóltin frammanfyri KÍ brotsteigin. Hon royndi seg við skoti, og bólturin rakti í stólpan og trillaði út aftur í hinari síðuni av málinum.
Í Gundadali vann HB 2-0 ímóti NSÍ. Tað var málleyst, inntil tað restaðu 20 minuttir. Tá legði Rebekka Katrine Klein Olsen heimaliðið á odda eftir hornaspark frá Elin Mariu Isaksen, og lítla løtu undan leikloki staðfesti Astrid Mittfoss 2-0 heimasigurin.
Í Sørvági legði Lea Lisberg beinanvegin EBS/Skála á odda 1-0, og miðskeiðis í fyrra hálvleiki økti Maria Ernstdóttir um munin til 2-0. Fimm minuttir eftir steðgin kom spenningur í aftur, tá ið Lisa Haraldsen minkaði um munin til 2-1, og tað varð úrslitið.
TB/FCS/Royn – Víkingur 0-16 (0-12)
Víkingur: Hanna Isaksen Højgaard (5), Marita á Fríðriksmørk (3), Rakul Sørensen (3), Mona Rasmusardóttir (2), Jensa Tórolvsdóttir (2), Sára á Líðarenda (1)
KÍ – B36 1-0 (1-0)
1-0: Malena Olsen 45.+2.
07 Vestur – EBS/Skála 1-2 (0-2)
0-1: Lea Lisberg 7.
0-2: Maria Ernstsdóttir 22.
1-2: Lisa Haraldsen 50.
HB – NSÍ 2-0 (0-0)
1-0: Rebekka Katrine Olsen 70.
2-0: Astrid Mittfoss 85.
Annað umfar verður um vikuskiftið:
Leygardagin 26. mars: B36 – 07 Vestur.
Sunnudagin 27. mars: EBS/Skála – HB, Víkingur – KÍ og NSÍ – TB/FCS/Royn.
