Tað gekk ikki júst soleiðis, sum tey á Tvøroyri høvdu vónað og kanska roknað við, tá ið fyrsti FM kappróðurin var í fínu líkindum á Jóansøku.
Firvaldur róði í heimasjógvi, og eftir eitt sindur trilvandi startspurt legði Firvaldur seg á odda. Leingi sá tað út til, at tað skuldi verða Firvaldur, sum fór at vinna.
Men á síðstu gott og væl tvey hundrað metrunum gekk Báran ógvuliga væl. Báran róði undir landi og lá langt frá hinum bátunum.
Í endaspurtinum var Báran drúgvast. Báran er bátur hjá teimum í Hvalvík, men í ár er hann mannaður í Vestmanna. Hetta var fyrsta ferðin, at Báran vann í ár. Í undanfarnu róðrunum hevur tað ikki eydnast Báruni at fingið nakað stig!
Úrslit
1 Báran 05:04.11
2 Firvaldur 05:05.13
3 Jallurin 05:06.15
4 Sílið 05:08.24
5 Havfrúgvin 05:14.01
6 Hvassi 05:15.11
7 Falkur 05:19.07
8 Junkarin 05:29.10
9 Katla 05:43.23
1 Jallurin 25
2 Firvaldur 24
3 Sílið 17
4 Hvassi 13
5 Havfrúgvin 11
6 Falkur 9
7 Báran 7
8 Kollur 3
9 Junkarin 1
10 Katla 1
