Fyri lítlari løtu síðani bórust tíðindini, at tað var grindaboð. Men hetta verður av ongum, tí talan var bara um ein nísuflokk.
Tað hevur alarmsentralurin boðað grindaformonnunum í økinum frá aftaná at hava hugt eftir nøkrum myndum av flokkinum.
Grindaformenninir vóru annars í dýrastu neyð, tí teir vistu ikki, hvar grindin skuldi haldast til. Ætlanin var av fyrstan tíð at reka hana á Fuglafjørð, men sambært grindaformanni har, so var einki fólk at taka ímóti henni, og grindaformenn eru ikki heima.
Tí varð umhugsað at heldur reka hana á Funningsfjørð ella till Klaksvíkar. Men - hetta er so alt avblást nú, tí tað var falskur alarmur.
