Í gjár boðaði Atlantsflog virðisbrævamarknaðinum frá, at Olaf Poulsen er farin frá sum nevndarlimur í Atlantsflog. Hann hevur verið starvsfólkavaldur nevndarlimur síðani 21. mars í 2011.
Olaf Poulsen hevur verið flogskipari hjá Atlantsflog, men sambært fráboðanini til viðrisbrævamarknaðin er hann nú farin úr starvi hjá Atlantsflog
Varalimur hjá Olafi Poulsen í nevndini í Atlantsflog er Hanna Svabo, leiðsluskrivari og starvsfólkaleiðari, sum nú hevur tikið við sum nevndarlimur. Hon hevur starvast hjá Atlantsflog síðani felagið varð stovnað í 1988.
