Miðlahúsið, Fótbóltssamband Føroya og Hvonn skipa í kvøld fyri tiltaki, har ársins heiðrar 2013 verða latnir.
Í fjør vann B36-málverjin Bjarta Johansen heiðurin Ársins málverji, og tað kann hon gera aftur í ár.
Venjarar, liðformenn og journalistar hava greitt atkvøðu, og nú er greitt hvørjir tríggir leikarar hava fingið flestar atkvøður í kappingini um at gerast Ársins málverji. Hesir eru:
Bjarta Johansen, B36
Monika Biskupstø, KI
Nina Davidsen, HB
Hvør av teimum trimum vinnur, verður kunngjørt á stórum Hvonn Live tiltaki í kvøld, sum verður sent beinleiðis av Hvonn í Havn og kann hoyrast beinleiðis á Rás2 frá klokkan 21.00.
