Í mai mánaði í ár varð farið undir arbeiðið at umvæla kaiøkið í Syðrugøtu.
Byrjað varð at umvæla uttasta partin av sjálvum kaiendanum, sum var nógv farin av brimi.
- Hetta arbeiðið er liðugt, siga tey í Eysturkommunu í dag.
Eftir hetta varð farið undir at brekka ein part av gamla bátadráttinum og síðan leggja nýtt betonglag á.
Nú er so eitt nýtt betonglag lagt á tann innasti partur av gomlu kaiini.
Ætlanin er at leggja betonglag á restina av bryggjuni í Syðrugøtu komandi ár.
Eisini skulu nýggj ljós setast upp og nýggj vatnføring leggjast.
- Hetta arbeiðið skal eftir ætlan verða liðugt í 2024, siga tey í Eysturkommunu í dag.
Tað er fyritøkan, Sp/f Form, sum stendur fyri arbeiðnum.
