Tað hevur vakt ans, at amerikanski uttanríkisráðharrin, Colin Powell, nú alment hevur givið til kennar, at USA vil hava palestinar at velja sær eina aðra leiðslu.
Á einum fundi segði Powell, at tað endaliga málið í strembanini eftir varandi friði í Miðeystri má vera, at allir partar góðtaka hvør annan sum grannar.
-Í hesari tilgongdini er tað greitt, at her er eingin lutur til ta núverandi palestinsku leiðsluna, tí við hesari palestinsku leiðsluni verður eingin friður í Miðeystri, segði Colin Powell á fundinum.
Í næstu viku fara USA, Russland, ES og ST aftur at samráðast um ætlanina um at skipa eitt sjálvsstøðugt palestinskt ríki um trý ár.
