Føroyski landsliðsmálverjin, Annika Fríðheim Petersen hevði 11 bjargingar tá lið hennara, Haukar taptu 26-32 fyri Vali á útivølli í dysti í bestu íslendsku hondbóltsdeildini.
Haukar høvdu eitt framúr gott avrik í fyrra hálvleiki, og vóru á odda 14-13 í steðginum.
Tá 45 minuttir vóru farnir av dystinum hevði Valur vent dystinum, og vóru á odda 24-20.
Aftaná tveir sigrar og ein javnleik í trimum teimum fyrstu dystunum gjørdist hetta fyrsta tapið hjá Haukum í íslendsku kappingini hetta kappingarárið.
Komandi leygardag taka Annika og Haukar móti ÍBV, ið vónandi gevur Ingibjørg Olsen spælitíð so vit kunnu fáa eina føroyingauppgerð.
ÍBV tapti ígjár á heimavølli 24-26 (12-15) fyri Stjørnuni. Ingibjørg var ikki millum málskjúttarnar hjá ÍBV.
| Nr. | Lið | Dystir | V | J | T | Stig | |
|---|---|---|---|---|---|---|---|
| 1 | Fram | 5 | 4 | 1 | 0 | 9 | |
| 2 | Valur | 4 | 4 | 0 | 0 | 8 | |
| 3 | Haukar | 4 | 2 | 1 | 1 | 5 | |
| 4 | KA/Þór | 4 | 2 | 1 | 1 | 5 | |
| 5 | Stjarnan | 5 | 2 | 0 | 3 | 4 | |
| 6 | HK | 5 | 1 | 1 | 3 | 3 | |
| 7 | ÍBV | 4 | 1 | 0 | 3 | 2 | |
| 8 | Afturelding | 5 | 0 | 0 | 5 | 0 |
