Andrias Edmundsson leikti sera væl í føroysku verjuni í tepra 0-1 tapinum fyri Kekkia í EM-undankappingardystinum í Pflzen farna sunnudag.
Í dag leikti Andrias Edmundsson allan dystin fyri Chojniczanka, ið leikti javnt 1-1 móti Sandecja Nowy á útivølli í triðbestu pólsku fótbóltsdeildini.
Kamil Slaby legði Chojniczanka á odda tá 78 minuttir vóru leiktur, men bert sjey minuttir seinni javnaði Sandecja Nowy til 1-1.
Undan dagsins dysti hevði Chojniczanka vunnið fýra dystir á rað. Chojniczanka eru ósigraðir í seks teimum seinastu dystunum í triðbestu pólsku deildini.
Chojniczanka er nummar átta í deildini við 19 stigum.
Sunnudagin hevur Chojniczanka heimadyst móti Jastrzebie.
