Ein turkiskur dómstólur hevur gjørt av, at leiðarin av Amnesty International í Turkalandi, Taner Kilic, skal vera sitandi í fongsli.
Tað upplýsir mannarættindafelagsskapurin.
Kilic er skuldsettur eftir landsins yvirgangslógum.
Dómstólurin í Istanbul hevur annars fyrri gjørt av, at hann skal leyslatast.
– Dómstólurin í Istanbl hevur nú umstoytt sína egnu avgerð um leyslating. Taner verður sitandi í varðhaldi, skrivar Andrew Garner frá Amnesty International.
Kilic hevur verið fongslaður síðani juni í fjør. Hann er skuldsettur fyri at hava havt samband við fólk handan miseydnaðu kvettroyndina í Turkalandi í juli í 2016.
Amnesty International heldur, at ákærurnar eru grundarleysar.
/ritzau/AFP
