Tíðindastovan NTB veit í kvøld at siga, at amerikanski ráðharrin í innlandstrygd, Alejandro Mayorkas, hevur fingið staðfest koronu.
Tað upplýsir amerikanska trygdarmálaráðið.
NTB skrivar, at Alejandro Mayorkas er koppsettur, og hann hevur veik sjúkueyðkenni.
- Hann heldur seg avbyrgdan heima við hús og arbeiðir heimanífrá, upplýsir trygdarmálaráðið.
Í løtuni verður arbeitt við at finna út av hvørji fólk, ráðharrin fyri innanlandstrygd hevur verið í samband við.