Eiðis kommuna bjóðar nú øllum borgarum sínum skeið í fyrstuhjálp. Hetta verður gjørt í samband við, at kommunan eisini hevur keypt tveir hjartastartarar afturat til bygdina, men lítil bati er í teimum, um eingin veit, hvussu teir skulu nýtast.
Jógvan í Skorini sigur, at tað er ein eyka trygd fyri øll, um bygdafólkið kennir til grundleggjandi vitan um fyrstuhjálp og hjartastartarar.
- Betri fyrivarin enn eftirsnarin, sum man sigur. Vit skuldu endurnýggja skeiðið hjá nøkrum starvsfólkum í kommununi og valdu tí at geva øllum bygdafólkinum møguleikan at taka eitt skeið í fyrstuhjálp, sigur borgarstjórin á Eiði.
Trýst á pílin undir myndini fyri at hoyra samrøðuna við Jógvan í Skorini.
Les eisini Lívbjargandi fyrstuhjálp til allar borgarar
