Íslendska stórfelagið, Valur hevur í dag gleðiboð til síni mongu viðhaldsfólk.
Dugnaligi vongurin og sterki verjuleikarin hjá hondbóltsliði felagsins, Allan Norðberg hevur longt sáttmálan við høvuðsstaðarfelagið til kappingarlok í 2027.
Allan kom úr KA Akureyri til Val í 2023, og í fjør var hann við til at vinna íslendsku steypakappingini, og søguliga sigurin í European Cup, har Valur gjørdist fyrsta íslendska liðið at vinna eina evropeiska kapping fyri felagslið.
Umframt Allan er Bjarni í Selvindi eisini partur av hópinum hjá Vali. Bjarni hevur verið Vali góður hetta kappingári við nógvum málum.
