Yvirgangsfelagsskapurin Al Qaida hevur nú gjørt eitt nýtt lívsstílsmagasin til kvinnur. AlShaamikha eitur blaðið, sum er at finna á internetinum. Blaðið greiðir frá, hvussu kvinnur kunnu verða við í stríðnum hjá Al Qaida.
– Rákið er, at samskifti verður meira málrættað, og Al Qaida er eisini farið frá at hava ein boðskap til øll til at venda sær til ymiskar miðlar og ymiskar málbólkar, sigur Søren Hove, sum er granskari á Dansk Institut for Internationale Studier. Tað sigur hann við alive.dk.
Áður hava kvinnur einki havt at siga ella gera í Al Qaida, men nú hevur felagsskapurin gjørt nýggja strategi, har eisini kvinnur skulu verða við.
