Aksel hevur longu vunnið

Aksel V. Johannesen hev­ur longu vunnið valið um at ger­­ast for­­maður í Javn­að­ar­flokk­­inum. Tað hev­ur hann í øll­um før­u­m, um vit telja sam­an at­kvøðurnar hjá teim­um fel­øg­um, sum mæla til at velja hann.

Javnaðarflokkurin hevur átta lim­a­feløg. Tey eru:
Norðoyggjar: 20
Eysturoy: 25
Norðstreymoy: 8
Suðurstreymoy: 36
Sandoy: 8
Suðuroyar Norð.: 22
Suðuroyar Syðra: 12
Vágar: 12

Tilsamans: 143 atkvøður.

Við­merkjast skal tó, at tøl­ini kunnu broyt­ast, tí ein at­kvøð­a er fyri hvøjar 10 limir - og lima­listin skal góðkennast av eini man­dat­nevnd.

Tá ið Norðoyggjar, Eystur­oy, Suð­ur­oy­ar Norðr­ara og Vága Javn­að­ar­fel­øg velja Aks­el V. Jo­hann­e­sen, so fær hann 79 atkvøður. Heð­in Mort­ensen hev­ur stuð­ul frá Suð­ur­oy­ar Sunn­ara og Sand­oy­ar Sýslu Javn­að­ar­felag,­ og tað gevur honum 20 at­kvøð­ur. Eftir eru 44 atkvøður, og tað er ikki nóg mikið til nakr­an annan, enn Aksel V. Jo­hannesen.

Men allar súðir eru ikki syft­ar enn, og mangt kann broyt­ast áðrenn leyg­ar­dagin.

Eitt er, at summi Javn­að­ar­felag hava havt eina dem­o­krat­iska tilgongd til for­mans­val­ið, har lim­ir­nir á lim­a­fundi sleppa at siga sína mein­ing. Men í nøkrum fel­øg­um hava nevndarlimir tik­ið lim­ir­nar av ræði og hava gjørt av, hvønn felagið skal stuðla – uttan at spyrja lim­ir­nar. Og tað er hetta, sum fær fólk at spyrja, um javn­að­ar­fel­øg ikki vilja halda lima­fund um for­mans­v­al­ið, hvat er so nóg stórt at halda lima­fund um?
Freistin at stilla upp er úti á mid­degi miku­dag­in, og tí er sein­asti kjans­ur at halda lim­a­fund um hetta í morgin.

Tað hevði sømt seg, at øll javn­að­ar­fel­øg lótu van­ligu lim­ir­nar koma til orð­anna, so nógv klók­ari eru nevnd­ar­lim­ir í javn­að­ar­fel­øg­u­num ikki enn vanligu limirnir.

Tað er fólkið, sum eig­ur Javn­að­ar­flokk­in. Fólk­ið er grund­súl­an und­ir javn­að­ar­hugsj­ón­ini, tí eigur fólkið sjálv­andi at koma til orðanna í for­mans­val­stríð­num hjá Javn­að­ar­flokk­i­num.