Eitt ferðsluóhapp var í Klaksvík fyrr í kvøld. Óhappið hendi, tá ið ein ungur maður var á veg tvørtur um vegin eftir einum fótgangarateigi. Men tá kemur ein bilur koyrandi, og renur á mannin.
Maðurin er síðani fluttur á Landssjúkrahúsið til kanningar. Løgreglan hevur ikki stórvegis upplýsingar um óhappið enn, men nú verða umstøðurnar kannaðar í eini roynd at fáa greiði á, hví tað hendi.
