Annan dystin á rað eydnaðist tað Áka Egilsnes at skjóta fýra mál fyri EHV Aue í aðru bundesligu í Týsklandi.
Tað gongur persónliga betur hjá Áka, men enn haltar tað við sigrum og stigum hjá EHV Aue.
EHV Aue tapti í kvøld 24-28 fyri Rimpar á útivølli. Í steðginum var Rimpar á odda 16-12.
EHV Aue er næstaftast í deildini við 15 stigum nú 11 dystir eru eftir at spæla. Fýra stig eru upp til Ferndorf sum liggur á fjórðaftasta plássinum við 19 stigum, so enn kunnu Áki og liðfelagarnir bjarga sær í deildini.
Sunnudagin tekur EHV Aue móti Coburg sum hevur seks stig fleiri enn EHV Aue.
