Ein sjúklingur er innlagdur á Hvidovre Hospital við illgruna um ebola.
Varastjórin á sjúkrahúsinum, Torben Mogensen, váttar tíðindini fyri DR.
- Eg vil einans vátta, at vit hava ein sjúkling, ið verður kannaður fyri ebolasmittu, sigur hann.
Viðkomandi er nýliga komin heim úr Vesturafrika við fepuri. Tað er júst í Vesturafrika, at sjúkan er herviligast og tí er illgruni um, at maðurin er raktur av ebola.
Sjúkrahúsið í Hvidovre væntar svar upp á blóðroyndirnir frá sjúklinginum í kvøld. Vanliga tekur tað um fýra til seks tímar at fáa svar upp á tílíkar royndir.
- Sjúklingurin er nú settur í einarúm, og starvsfólkini taka neyðugu atlitini, sum um at tað var staðfest, at hetta er ebola, meðan vit bíða eftir svarunum, sigur Torben Mogensen.
Tað er eisini á Hvidovre hospital, at føroyingar, ið sum eru undir illgruna at vera fongdir av ebola, skulu viðgerast.
Hetta er aðru ferð, at ein persónur er innlagdur á Hvidovre sjúkrahús við illgruna um ebola. Fyrru ferð var talan um eitt starvsfólk hjá DR, men tá vístu blóðroyndirnar, at talan ikki var um ebola.
Les eisini Ebolatilbúgvingin er upp á pláss.
