Í gjár vórðu enn eini sethús reist á Strondum, hesaferð Innan Glyvur. Eigarar av húsunum eru Drós Reinert Joensen og Olaf Ellingsgaard.
Tað er byggifyritøkan, Sp/f HPH Smíð, sum byggja húsini fyri eigararnar. Á heimasíðuni hjá Sjóvar kommunu - www.sjovar.fo - síggjast fleiri myndir av húsunum.
- Vit ynskja Drós og Olafi hjartaliga tillukku við reistu húsinum, siga tey í kommununi.
Nógv hevur verið bygt á Strondum seinnu árini, og her eru fleiri nýggj hús komin upp.
Nýggja farleiðin millum Skálafjørðin og meginøkið kveikir lív í áhugan at seta búgv við Skálafjørðin og kring um í Eysturoy.
##med2##
