FC Suðuroy hevur boðað frá, at felagið ætlar at styrkja seg við fýra útlendskum profilum til kappingina í Effo-deildini, sum byrjar fyrst í marts.
Enn er navn ikki sett á útlendsku leikararnar, ið skulu styrkja um liðið, men í kvøld vita keldur hjá in.fo at siga, at ein afrikanskur verjuleikari verður til royndarvenjing í Vági tær komandi vikurnar.
Leikarin, ið talan er um, er Noah Olawale Ojuola, sum dagliga spælir við St. Georges FC á Malta.
21 ára gamli Noah Olawale Ojuola hevur eisini eina fortíð í danska felagnum FC Midtjylland, har hann hevur leikt 3 dystir á besta liðnum.
Noah Olawale Ojuola er frá Nigeria.
