Tað er Fólkaflokkurin, sum hevur lagt uppskot fyri tingið um at linka revsitiltøkini, sum Løgtingið hevur sett í verk ímóti Russlandi eftir at landið leyp á grannalandið Ukraina.
– Endamálið við uppskotinum er at loyva øllum russiskum fiskiskipum at koma í havn í Føroyum og loyva føroyskum veitarum at veita teimum allar tær tænastur, sum fiskiskipini hava brúk fyri, skrivar Fólkaflokkurin í viðmerkingum til uppskotið.
Fólkaflokkurin hevur alla tíðina verið ímóti, at russisk skip vórðu úthýst úr føroyskum havnum og heitur talsmaður fyri at varðveita fiskiveiðuavtaluna við Russland.
##med4##
Undan løgtingsvalinum var tað bara Fólkaflokkuin, sum vildi samstarva við russar. Flokkarnir, sum skipaðu samgongu eftir valið Janaðarflokkurin, Tjóðveldi og Framsókn, lovaðu allir, at teir fóru ikki at leingja fisikiveiðavtaluna – men tað lyftið helt samgonga ikki.
Nú er tað bara Javnaðarflokkurin, sum sigur seg standa fast við ta støðuna.
##med2##
Tí verður áhugavert at frætta, at hvat Tjóðveldi og Framsókn siga til uppskotið hjá Fólkaflokkinum um at lata havnirnar uppaftur fyri russarum. Orðaskiftið á tingi um uppskotið hjá Fólkaflokkinum fer helst at geva eina ábending, um samgonguflokkar eisini eru blotnaðir í samtyktu revsitiltøkunum ímóti Russlandi – og um teir eru sinnaðir at linka føroysku revsitiltøkini.
Uppskotið hjá Fólkaflokkinum um at loyva russarum aftur í føroyskar havnir kann lesast her.
##med3##
Skráin fyri tingfundin í dag er annars hendan:
