Argja Bóltfelag hevur kunngjørt, at felagið hevur gjørt sáttmála við 20 ára gamla danska málverjan Christopher Nødskov Frydelund. Samstundis hevur felagið gjørt sáttmála við 17 ára Sverra Petersen.
- Tað er gott at vera væl mannaður við málmonnum. AB hevur styrkt um málmanshópin í eldru deildunum, soleiðis at tað nú eru 3 málmenn til reiðar. Vit hava í eina tíð bert havt 2 málmenn, og tað er ov lítið, tá tað altíð kann henda, at onkur teirra verður skaddur ella ikki fær spælt, skrivar felagið í tíðindaskrivi.
Christopher hevur seinastu árini verið málmaður í donsku 2.deild hjá Boldklubben Søllerød Vedbæk, har hann annars eisini er uppvaksin og hevur spælt meginpartin av sínum ungdómsárum.
17 ára gamli Sverri Petersen er uppvaksin í AB og hevur verið málmaður seinastu árini hjá U21 og 2. deild. Nú hann hevur gjørt sáttmála við AB, er hann vorðin partur av hópinum í Betrideildini.
- Afturat hesum báðum málmonnunum hava vit okkara legendariska Heðin Stenberg. Sostatt skuldi málmanshópurin verið væl brynjaður til komandi kappingarár hjá Betrideildini, 2. deild og U21, skrivar AB.
