Bjargingartyrlan varð tíðliga sunnumorgunin boðsend til Suðuroyar eftir eini barnakonu, ið varð førd á Landsjúkrahúsið.
Hetta var níggjunda ferð, at bjargingartyrlan er boðsend til Suðuroyar higartil í ár. Umframt túrarnar til Suðuroynna, hava boð verið eftir tyluni aðrastaðni fýra ferðir í ár.
Umleið 60 ferðir um árið eru bráðfeingisboð eftir bjargingartyrluni, sum er mannað alt samdøgrið, klár og útgjørd at fara sjúkraflutningstúrar, umframt bjargingartúrar til havs og í fjøllunum. Manningin á tyrluni hevur eisini regluligar venjingar eina til tvær ferðir um vikuna.
Í meðal er tyrlan á flogi innan 20 minnuttir, eftir at boðini eru komin.
