37 fólk doyðu, tá ein maður leyp á eitt kasino í Manilla. Nú hava myndugleikarnir eyðmerkt mannin, ið framdi álopið.
Tað var ein 42 ára gamal maður av Filippinunum, sum hevði ábyrgdina av álopinum, har minst 37 fólk doyðu í Manila fríggjadagin. Tað upplýsir løgreglan sambært tííðndastovuni AFP.
Maðurin kom inn í kasinoið, sum er við Rosorts World Manila, os setti eld á fleiri spæliborð, eftir at hann hevði stoytt bensin á tey.
Maðurin skeyst samstundis runt í hølunum, áðrenn hann rændi nógvar jetonir.
Síðani flýddi hann víðari inn á hotellið, sum hoyrir til kasinoið. Har tók hann lívið av sær sjálvum fleiri tímar seinni.
Illgerðarmaðurin eitur Jessie Carlos Javier, skrivar Reuters tíðindastovan.
– Hann hevði stóra skuld, eftir at hann var vorðin bundin av at spæla á kasino, hava næstringar hansara greitt frá, sigur løgregluovastin í Manila, Odcar Albayalde.
37 fólk doyðu, flestu teirr vórðu roykeitrað.
Talan var ikki um eina yvirgangsatsókn, staðfestir løgreglan.
– Vit meta, at hetta ikki er eitt yvirgangsálop, men ein maður, sum hevur framt tað upp á egna hond, sigur Oscar Albayalde.
Islamskur Statur hevur ferð eftir ferð verið frami og átikið sær ábyrgdina av álopinum, men hesum vísa myndugleikarnir á Filippinunum aftur.
/ritzau/
