Í hesum próvtøkutíðum hevur próvtøka eisini verið á Tekniska Skúla í Klaksvík, har 28 næmingar tóku prógv hesa ferð. Og sum vanligt var hátíðarhald úti í Grøv í hesum sambandi.
Skúlin sigur, at nú eru 23 ár síðan teir fyrstu HT næmingarnir fingu prógv á skúlanum, men bara ta einu ferðina hevur ikki viðrað at hava hátíðarhaldið í viðalundini úti í Grøv. Tilsamans hava 369 næmingar fingið prógv á Tekniska Skúla í Klaksvík hesi árini.
Sum vanligt vóru blásarar úr Klaksvíkar Hornorkestri, eisini við í ár, og gestarøðari var Gunnleivur Biskopstø, byggifrøðingur, og fyrrverandi næmingur á skúlanum.
Elmar í Gong helt næmingarøðuna úti í Grøv, og Sólvá Klæmintsdóttir helt næmingarøðuna í seinna partinum av hátíðarhaldinum, sum var á sjálvum skúlanum.
Næmingarnir, sum tóku prógv, eru: Aftara rað frá vinstru á fyrru myndini: Rani Eyðfinnsson í Bø, Johannes Biskopstø Klein, Julian Gregersen, Kristian Linklett Mortansson, Jóanis Viderø Petersen, Ari Hansen og Jóhannus Suma Poulsen
Fremra rað frá vinstru: Dánial Klakkstein Thomsen, John Eli Kristmundsson, Dávid Jacobsen, Randi Simonsen, Róhild Dam, Tordis Ingemarsdóttir Johansen, Hjalti Johannesen og Elmar í Gong.
Á seinnu myndini eru teir: aftara rað frá vinstru á hini myndini: Absalon Sørensen, Dánjal Múller, Martin Breiðaskarð, Beinir Langgaard, Sigurd í Homrum, Sigmundur Mørkøre og Tóri á Steig Krúnufjall
Framra rað frá vinstru: Sólvá Klæmintsdóttir, Sonja Sólheyg Michaelsen, Malan Atladóttir Holm, Malan Debes Joensen, Annika Oddmarsdóttir og Tummas Hansen
Niðanfyri eru myndir av báðum flokkunum á Tekiska Skúla í Klaksvík, sum fingu prógvini handað í gjár
