Myndin frá filminum Larry Crowne, og sum á norskum kallast Det er aldri for sent, Larry Crowne fekk ikki blíða viðferð av sponsku ferðslumyndugleikunum.
Kunnað varð um romantiska filmin í Spanien við eini mynd, har báðir høvuðsleikararnir, Julia Roberts og Tom Hanks koyra á einum skutara uttan hjálm.
Hetta hóvaði ikki teim sponsku myndugleikunum, sum góvu eina bót til útleigaran Tripictures uppá 30.000 euro svarandi til 223.000 føroyskar krónur.
- Tá bótin kom við postinum hildu vit, at hetta var ein skemtisøga, sigur ein ónavngivin kelda hjá Tripictures til netsíðuna Cinemania.
Í Spanien er ólógligt at fremja rá-koyring, tá talan er um lýsingarátøk. Í fjør fekk Shakira eina bót fyri ikki at hava hjálm á høvdinum í sjónbandalagnum Loca.
