Tað var Margrét Bech í Hoyvík, sum fekk fulla plátu í gekka-spælinum í kvøld.
Hon valdi at deila høvuðsvinningin, sum var á 1,8 miljónir krónur, í teir tríggjar leyparnar.
Tá hon byrjaði at snara hjólinum, hevði hon soleiðis 600.000 krónur í hvørjum leypi.
Í øllum trimum royndunum í kvøld steðgaði hjólið á 20.000 krónum.
Eftir fyrstu royndina helt Margrét Bech fyri, at hon fór at royna einaferð aftrat.
- Veitst tú hvat? Vit taka einaferð aftrat, segði hon, tá hjólið varð steðgað aðru ferð á 20.000.
Eisini í triðju og seinastu royndini steðgaði hjólið á 20.000 krónum, sum eisini gjørdist vinningurin hjá henni í kvøld.
- Men, tú kanst brúka hetta til okkurt eitt fríggjakvøld, ha? var spurningurin hjá gekka-vertinum, Magnusi Magnussen.
- Yes, tað er fínasta slag, segði Margrét Bech, sum takkaði fyri vinningin.
