2000 fólk vitjaðu á bókadøgunum í Norðurlandahúsinum

Tað vóru Glataðu Spæli­menn­inir, sum settu sein­asta punktumið fyri bóka­d­­ag­ar­nar í Norður­landahúsinum.
Fleiri hundrað fólk høvdu leitað sær í Klingru­na at lurta eftir for­kunnugu framførsluni av Glugga­mynd, sum eins og Norð­ur­landahúsið hevur 30 ár á baki í ár.
Í fýra dagar var Norður­landa­húsið fult av orðum í ymiskum skapi, og út við 2000 fólk vitjaðu hesar dagar­nar.
Fólk høvdu høvi at hoyra fyri­lestr­ar og upplestur, og her var orðaskifti, sjónleikir og tónleikur, eins og vitjandi høvdu høvi at ogna sær nýggj­astu bøkurnar, sum eru kom­nar á marknaðin.
- Fleiri enn 50 rithøvundar, tíðinda­fólk, orðstýrarar, sjón­leikar­ar og tónleikarar hava rík­að og rúnarbundið okkum við teirra kynstrum.
Norðurlandahúsið og Rit­høvunda­felagið, sum tóku stig til og fyriskipaðu dagar­nar saman við forløgunum, ynskja at takka fyri allar tær posi­tivu afturmeldingarnar, ið eru komnar frá teim mon­gu bókamentaáhugaðu sum vitjaðu.
- Hetta gevur luft undir veing­ir­nar og blóð á tonn til at gera bókadagarnar enn betri og meira umfatandi næsta ár, siga fyriskipararnir.