Bert 17 ára gamli onglendingurin, Luke Littler er yngsti heimsmeistarin í dart nakrantíð.
Í kvøld vann Luke Littler HM-finaluni á 35 ára gamla niðurlendinginum, Michael van Gerwen, ið átti gamla aldursmetið sum tann yngsti HM-vinnarin nakrantíð. Michael van Gerwen var 24 ára gamal, tá hann í 2014 á fyrsta sinni vann HM-heitið.
Í stóru finaluni í Alexandra Palace í London eydnaðist tað Luke Littler at vinna 7-3 á Michael van Gerwen. Luke Littler legði har út og legði seg á odda 4-0. Michael van Gerwen megnaði at minka um munin til 1-4, 2-5 og 3-6, men hvørja ferð svaraði Luke Littler aftur og vann HM-heitið til stóran fagnað hjá heimafjøldini.
Fyri sigurin fær Luke Littler 500.000 bretsk pund. Ein upphædd sum svarar til næstan 4,5 miljónir krónur í okkara peningi.
##med2##
