Seinnapartin klokkan 17 verur ein dystur, og í kvøld klokkan 19.45 vera fimm dystir leiktir í hálvfinalunum í Nations League deild A, B og C.
Vinnararnir møtast í einari finalu, har finaluvinnarin tryggjar sær pláss í EM-endaspælinum í Týsklandi í summar.
Sostatt greiðir Nations League EM-gøtuna fyri trý fótbóltslandslið, og tí er tað tápuligt at pástanda, at Nations League ongan týdning hevur.
Í deild A eru dystirnir Póland-Estland og Wales-Finnland.
Í deild B eru dystirnir Ísrael-Ísland og Bosnia Hersogovina-Ukraina.
Í deild C eru dystirnir Georgia-Luksemborg og Grikkaland-Kasakstan.
Georgia og Luksemborg spæla klokkan 17. Hinir fimm dystirnir vera allir leiktir klokkan 19.45. Dysturin millum Ísrael og Ísland verur leiktur á uttanveltaðum vølli í Ungarn.
Hesi londini hava higartil vunnið seg til EM-endaspælið:
- Spania
- Skotland
- Frakland
- Niðurlond
- Ongland
- Italia
- Turkaland
- Albania
- Kekkia
- Belgia
- Eysturríki
- Ungarn
- Serbia
- Danmark
- Slovenia
- Rumenia
- Sveis
- Portugal
- Slovakia
- Týskland
- Kroatia
- Play Off vinnari úr Nations League A
- Play Off vinnari úr Nations League B
- Play Off vinnari úr Nations League C
