Í kommununi búgva í dag 1684 fólk, men tað serstaka er, at talan er um íalt 11 bygdir – úr Hósvík til Tjørnuvík og Saksun, og allan vegin norður til Gjáar, sum allar eru savnaðar í Sunda kommunu.
- Vit halda, at tað er ein gongd leið eisini hjá øðrum, soleiðis at savna bygdir saman í eina sterka eind.
Nógv verður tosað um ein framtíðar bygnað á hesum øki, og vóna tey í kommununi at ein slíkur kommunubygnaður verður settur í verk sum skjótast. Tí, sum tikið verður til: - Sterkar kommunalar eindir fara at vera ein drívmegi fyri vøkstri, um tær fáa neyðuga rásarúmið.
- Vit halda, at Sundalagið eigur framtíðina fyri sær, tá talan er um at skapa karmar fyri vøkstri. Fólkatalið kvinkar eisini uppeftir, so tað munnu vit vera fleiri, sum trúgva uppá.
