Eirikur Lindenskov
Fyrrverandi fólkatingslimir hava eitt felag, teir nevna forhenværende Folketingsmedlemmers Forening - og teir hava nú fingið eitt met í bókina hjá Guinnes. Tann 4. oktober 1998 kom felagið í Guinnesmetbókina, tí felagsins aktivi formaður, Erik Finnemann Bruun, tann dagin fylti 100 ár. Hann varð tá kosin »elsti fungerandi felagsformaður í Danmark«.
Og nú, tá hann er á veg móti 102. føðingardegi sínum, hevur felagið afturvalt han til formann.
Finnemann Bruun var konservativur fólkatingsmaður í truplastu tíðini hjá fólkatinginum, frá 1943-45 - undir týsku hersetingini. Tá var ikki nógv virksemi í fólkatinginum, so í veruleikanum hevur hann bara virkað sum fólkatingsmaður í nakrar mánaðir.
Erik Finnemann Bruun, sum er hevur annars í mong harrans ár starvast sum embætismaður í Fólkatinginum, og hann hevur eisini verið í Føroyum. Hetta var einaferð í 20?unum, tá hann var í Føroyum við ferðalag hjá Stauningi, forsætisráðharra.
Næstformaðurin í felagnum hjá fyrrverandi fólkatingslimum er ein rættuligur ársungi í mun til Finnemann. Tað er 71 ára gamla Tove Lindbo Larsen, fyrrverandi ráðharri og fólkatingskvinna fyri Javnaðarflokkin í trimum skeiðum frá 1971 til 1998.
