Eitt lágtrýst sunnan fyri Ísland liggur mest sum í stað, men sendir brúgvaløg og lýggja luft yvir Føroyar úr suðri. Sum vit nærkast vikuskiftinum mennast djúp lágtrýst millum Írland og Ísland og flyta seg í ein landnyrðing. Veðrið gerst tí óstøðugari um vikuskiftið.
Mikudagin verður andøvsgul upp í ein strúk av landsynningi, 8 til 13 metrar um sekundið. Hósnáttina øtlar hann vindin upp í stívt andøvsgul upp í hvassan vind, 10 til 15 metrar um sekundið. Turt og skýggjað og hitin um 10 stig.
Hósdagin verður stívt andøvsgul upp í ein strúk av landsynningi, 10 til 15 metrar um sekundið, sum seinnapartin lækkar í ein sunnan og makar niður í gul til stívt andøvsgul, 5 til 10 metrar um sekundið. Skýggjað og sum frá líður regn av suðri og hitin um 10 stig. Um náttina makar hann aftur vindin niður í lot til andøvsgul av suðri, 3 til 8 metrar um sekundið. Turt og tað klárar í og hitin niður í 3 stig.
Fríggjadagin øtlar hann aftur vindin upp í andøvsgul upp í ein strúk av landsynningi, 8 til 13 metrar um sekundið. Turt og sólglottar. Um náttina stívt andøvsgul upp í hvassan vind av suðri, 10 til 15 metrar um sekundið. Skýggjað og sum frá líður regn. Hitin alt døgnið milum 8 og 10 stig.
Leygardagin verður stívt andøvsgul upp í hvassan vind av suðri, 10 til 15 metrar um sekundið, sum snarar í ein útsynning. Skýggjað og regn av og á, seinnapartin klárar í, men tó okkurt æli. Hitin um 10 stig. Um náttina verður stívt andøvsgul av suðri og útsynningi. Yvirhøvur turt, men sum frá líður skýggjað av útsynningi og hitin millum 5 og 8 stig.
Sunnudagin verður stívt andøvsgul upp í hvassan vind av suðri og útsynninig, 10 til 15 metrar um sekundið. Skýggjað og regn. Um náttina makar hann vindin niður í lot til andøvsgul av suðri, 3 til 8 metrar um sekundið. Skýggjað og enn regn av og á. Hitin alt døgnið um 10 stig.
Mánadagin øtlar hann vindin upp í andøvsgul upp í ein strúk, 8 til 13 metrar um sekundið. Skýggjað og regn av og á og hitin alt døgnið um 10 stig.
