Føroya Fólkaháskúli fer í samstarvi við skaldskaparritið Vencil, at skipa fyri
upplestrum ymsastaðni í Havnin á ólavsøku. Siður hevur verið, at á Ólavsøku hevur
verið hildin fólkafundur úti á Føroya Fólkaháskúla. Í ár verður so roynt nakað nýtt.
Upplestrarrøðin verður kallað Licentia Poetica. Lisið verður upp báðar
ólavsøkudagarnar á fýra støðum í Havnini. Til henda upplestur, fara ungir og eldri
yrkjarar at lesa upp úr verkum sínum.
Fyrstu orðini verða floygd ólavsøkuaftan klokkan 17:30 úti á Føroya Fólkaháskúla.
Har lesa Jóanes Nielsen, Arnbjørn Ólavsson Dalsgarð og Dávur í Dali.
Seinni sama kvøldið, fara kvinnurnar at lesa. Klokkan 21:00 fara Sólrún Michelsen,
Katrin Reinert, Sigri M. Gaini, Malan Poulsen og Vónbjørt Vang at lesa upp við
standmyndina av Tariru í plantasjuni.
Ólavsøkudag verður byrjað at lesa upp klokkan 16:00 í Tutlhandlinum. Har lesa Bárður Persson, Ludvík Breckmann og Vagnur Streymoy og danmarksmeistarin í ?Poetry Slam?, Lasse Thorning.
Klokkan 21:00 sama kvøldið endar hendan forkunnuga upplestrarrøð við grøvina hjá
Jørgeni Frantz Jacobsen í gamla kirkjugarði. Har lesa Carl Jóhan Jensen, Kjartan
Hansen og Oddfríður Marni Rasmussen.
