Hey, eg sigi hey, eg eri blivin gay ., syngur bólkurin Grandmas Basement í einum av sínum kendu løgum. Og tað er nokk einki at ivast í, at hetta lagið fer at verða blást um allan miðbýin í Havn tann 27.juli, tá ársins Faroe Pride er á skránni.
Tá skrúðgongan úr Gundadali oman í býin er gingin, savnast fólk til konsert, og skráin fyri konsertina varð almannakunngjørd í dag. Um tað er av tilvild ella ikki, so er skemtiligi sing a long bólkurin Grandmas Basement ovast á plakatini. Hini, sum fara at syngja og spæla og skemta eru Ria Tórgarð, Nalja-Kári & All Stars, Teitur, Sakaris, Jens Marni, Hjørdis Johansen, Marius Ziska og Vágaverk.
Tiltakið byrjar klokkan 16 tann leygardagin 27.juli.
