Vísindafólk hava nú staðfest, at eingin delfin er eftir í kinesisku Yangtze-ánni. Yangtze-áin er longsta á í Kina og var í mong ár kend fyri sítt reina vatn og fjølbroytta lív.
Men vatnið í ánni er ikki reint longur, og nú siga vísindafólk, at tað best kenda djórið í ánni, Yangtze-delfinin, er útdeyð.
Hildið verður, at delfinir hava verið í Yangtze-ánni í umleið 20 milliónir ár, men bú hevur dálkingin gjørt av við tær seinastu, skriva vísindafólk í tíðarritinum Royal Society Biology Letters.
