Amerikumaðurin frá The Faroe Islands Podcast, Matthew Workman varð ólavsøkugestur hjá Rás2 í kvøld. Í samrøðu við Rás2 undirstrikaði Matthew Workman, at hann er ikki serliga væl nøgdur við sendingina hjá Animal Planet "Whale Wars - Viking Shores". Men hann heldur ikki, at sendingin hevur gjørt Føroyum skaða, heldur tvørturímóti.
Matthew Workman undirstrikar eisini, at hansara arbeiði fyri The Faroe Islands Podcast er vorðið nógv lættari, síðani netsendingin vann eina evropeiska virðisløn fyri stuttum.
