Vit hava eina ætlan fyri spæliplássini á øllum dagstovnunum, og teir sum eru ringast fyri vera tiknir fyrst. Um Dagstovnurin í Hoyvík er ein av teimum, so verður hann sjálvandi tikin við, sigur Heðin Mortensen, borgarstjóri í Havn.
Hann vil tó ikki siga, nær nakað endaligt verður klárt.
– Vit hava sjálvandi ikki kunnað gjørt nakað seinastu mánaðirnar fyri kava, sigur Heðin Mortensen og vísir enn eina ferð á, at ætlanir eru í gongd.
– Tað verður sjálvandi ein prioritering, og hinir stovnarnir skulu eisini hava sítt, sigur borgarstjórin.
Hann vísir somuleiðis á, at heildarætlanin, sum er í gongd eisini skal betra um trygdina.
– Eg veit at ávís ting eru gjørd á hasum stovninum fyri at betra um trygdina, sigur hann.
Men nú er ikki so nógv eftir. Har standa tríggjar reiggjur til 88 børn.
– Men reiggjur eru ikki alt. Har er eitt gott umhvørvi, ein fótbóltsvøllur er beint við í skúlagarðinum, tað ber til at fara útferðir og tað er at vera kreativur, sigur Heðin Mortensen, og vísir á, at kommunan ikki hevur brúkt smávegis av peningi til dagstovnin í Hoyvík.
