- Vónandi fáa vit eina grind í ár.
Tað sigur Heðin Mortensen. Hann sigur, at nú eru tað yvir trý ár síðani, at grind legði beinini í Havn, og tí hevði ein grind verið kærkomin í summar.
Og í hansara hugaheimi er eingin ivi um, at kemur ein grind, skal hon eisini haldast til.
Hann sigur, at í Tórshavnar kommunu eru tey sera væl fyrireikað upp á at avgreiða eitt grindadráp.
Við hava fastar grindarmenn og vaktarfólk í eyðkennisbúna, so vit vita, hvør hevur samband við drápið og ikki.
Les eisini: Nokta Sea Shepherd at koma til Havnar
Samstundis hava vit fyrireikað okkum væl til at avbyrgja alt grindaøkið, bæði Sandágerð, har grindin verður hildin til og kaiøkið á Vestaruvág, har grindin verður skorin upp, og skift.
