Choe Son-hui sigur, at Norðurkorea er og verður eitt kjarnorkuveldi. Sum uttanríkisráðharri landsins finst hon at USA og G7-londunum, sum hon sigur vilja avvápna Norðurkorea.
Í samrøðu við ríkisriknu tíðindatænastu landsins, KCNA, vísir hon á, at landið fer at halda fram við sínum lógliga virksemi, til hernaðarligu hóttaninar úr USA og tess sameindu halda uppat.
Týsdagin í vikuni fordømdu uttanríkisráðharrarnir í G7-londunum, sum høvdu fund í Japan, royndirnar hjá Norðurkorea við interkontinentalari rakett, sum landið gjørdi hin 13. apríl.
Á endanum av toppfundinum vóru uttanríkisráðharrarnir í G7-londunum samdir um, at Norðurkorea eigur at gerast kjarnorkuvápnafrítt.
Men, Choe Son-hui, leggur dent á, at Norðurkorea er og verður eitt kjarnorkuveldi, og hetta fer ikki at broytast, sjálvt um USA og onnur lond í vesturheiminum vilja nakað annað.
Uttanríkisráðharrin í Norðurkorea leggur aftrat, at menningin av hjá landinum av kjarnorkuvápum bert hevur til endamáls at verja landið ímóti amerikanskum hóttanum.
