Mánadagin í næstu viku verður Visjónstorg í Klaksvík. Mánadagin 12. februar fer Visjónstorgið saman við næmingum úr tekniska skúla og HF at viðgera alheimsgerð, samfelagsbygnað og vælferð. Strategipappír fyri hesar grundarsteinar eru í løtuni til hoyringar. Formenninir fyri strategibólkarnar leggja fram og síðan verður høvi at gera viðmerkingar, seta spurningar og kjakast um evnini.
Jóannes Eidesgaard, løgmaður, Bárður Nielsen, landsstýrismaður í fíggjarmálum og Hans Pauli Strøm, landsstýrismaður í almanna- og heilsumálum luttaka.
Visjónstorgið verður sett klokkan 13.00 á Tekniska skúla, við Víkina í Klaksvík, sigur Løgmansskrivstovan.
