SKEIÐVIRKSEMI
Tíðindaskriv
Tað er tað fyrsta inntrykkið sum avger, um kundin vil keypa eina vøru ella tænastu frá einari fyritøku. Um ein fyritøka ikki hevur starvsfólk, sum duga at koma á »bylgjulongd« við kundan ? hvørja nyttu gera góðar vørur ella tænastur tá?
Skeiðini sum verða, eru til øll fólk, sum hava beinleiðis og óbeinleiðis við sølu og tænastu at gera.
Um skeiðið:
Skeiðið gevur tær innlit í, hvat er neyðugt við tí persónliga atburðinum og málburðinum, tá ið tú veitir einum viðskiftafólki eina tænastu ella vøru. Á skeiðinum fært tú innlit í, hvussu tú tryggjar tær, at tú verður uppfataður positivt og fært harvið skapt tað rætta sambandið. Á henda hátt tryggjar tú tær, at kundin minnist tykkara samskifti á ein positivan hátt og vendir aftur til júst tykkara fyritøku. Tú fært nøkur amboð at arbeiða við, ið tryggja eitt trygt og einfalt samskifti, ið tú beinanvegin kanst nýta í tínum dagliga arbeiði.
Hvør, hvar og nær:
Tað er kendi danski skeiðhaldarin, Kim Møller, sum kemur at hava hesi skeið. Fyrsta skeiðið verður á Hotel Føroyum fríggjadagin 12. mars, frá kl. 13.00 til 16.00, tað næsta á Hotel Føroyum leygardagin 13. mars, frá kl. 13.00 til 16.00 og tað triðja verður í Tekniska Skúla í Klaksvík sunnudagin 14. mars frá kl. 13.00 til 16.00.
Kim Müller
Kim Müller er 45 ára gamal og hevur verið stjóri í tí privatu vinnuni 12 tey seinastu árini. Arbeiðsøkini, ið hann hevur fingist við, eru innan sølu, tænastu og framleiðslu. Kim er útbúgvin Maskinkonstruktør, HD, I/Ø, MasterPractitioner í NLP, Persónligur Coach, skeiðleiðari og umframt tað, so hevur hann eisini eina útbúgving í samskifti frá Anthony Robbins Mastery University í USA. Kim hevur arbeitt hjá CarlF, Sani Stål, Jysk Kemi, York, ABB, Inco, v.m.
